ГРК Охрид го официјализираше ангажманот на Ален Ќосевски, кој во продолжението од сезоната ќе го носи сино-белиот дрес.
24-годишниот Ќосевски, кој настапува на позицијата десно крило и е висок 184 сантиметри, потпиша договор на една и пол сезона со охридскиот суперлигаш. Тој доаѓа од редовите на РК Вардар 1961, каде што мина дури шест и пол сезони и стекна богато искуство настапувајќи на домашната и меѓународната сцена.
Во текот на својата кариера, Ќосевски има настапи за сите младински категории на Македонската машка ракометна репрезентација, а неговото име редовно се наоѓа и на поширокиот список на сениорската национална селекција.
Со доаѓањето на Ален Ќосевски, ГРК Охрид добива млад, но веќе докажан играч на крилната позиција, од кого се очекува значаен придонес во продолжението од сезоната.
