Фудбалерите на Арсими 1973 го одиграа првиот контролен натпревар во рамките на зимските подготовки во Хрватска, каде во Медулин беа поразени од хрватскиот Вуковар со 4-0.
Иако конечниот резултат е убедлив во корист на противникот, од таборот на клубот потенцираат дека настапот во првото полувреме бил охрабрувачки. Арсими одигра дисциплинирано и организирано, а првиот дел заврши со минимална негатива од 1-0.
Во продолжението, стручниот штаб им даде можност на помладите фудбалери и на неколку играчи од клупската академија, што Вуковар знаеше да го искористи и со поефикасна игра да ја зголеми разликата до конечни 4-0.
„Жолто-црните“ продолжуваат со интензивната подготвителна фаза, а следната проверка е закажана за сабота, кога Арсими ќе се соочи со силниот хрватски состав на Славен Белупо, натпревар кој треба да даде појасна слика за формата пред стартот на пролетниот дел од сезоната.
