Денес на програмата се неколку возбудливи натпревари во рамки на турнирот во мал фудбал „Стојаково 2025“, со полуфинални дуели кај јуниорските категории и настапи на сениорските екипи.
Програмата започнува во 18:00 часот со полуфиналниот натпревар во категоријата јуниори (2016/2017), каде ќе се соочат екипите на Мини Дриблерс и Јанг Бојс. Половина час подоцна, во второто полуфинале, ќе играат Жила-Стојаково и Гевгелија Мол.
Во сениорска конкуренција, од 19:00 часот е закажан дуелот меѓу Еклер Транс и ФК Лион, додека во 19:45 часот Еклер Транс ќе се соочи со Пролетер – Стојаково.
Екипата може да пријави десет играчи и само еден претставник на екипа за време на натпреварот, плус еден играч џокер од елиминациската фаза.
Списокот на играчи се доставува по пат на пополнет формулар при самото пријавување на екипата и истиот е конечен до крајот на турнирот, со исклучок на џокер играчот од елиминациската фаза.
Списокот на пријавени играчи на екипа не може да се дополни по завршувањето на групната фаза, освен за надополнување на џокер играчот од елиминациската фаза.
Играч на екипа која е елиминирана во групната фаза може да настапи за друга екипа во елиминационата фаза само како џокер. Доколку се случи екипа да несоодветно постапи кон овој правилник, се санкционира целата екипа со дисквалификација.
Следуваат многу вредни награди за публиката.
Спортска Мрежа медиумски по првпат го поддржува овој турнир во мал фудбал кој се игра во Стојаково.
