По повод одбележувањето 30 години од европската клупска титула, денеска во Радовиш свечено беше откриена спомен-биста посветена на борачите, симбол на златната ера на радовишкото борење.
Бистата е донација од „Адора Инженеринг“ и проф. д-р Ванчо Чифлиганец, а настанот уште еднаш ја потврди титулата на Радовиш како град на борењето.
Борачкиот клуб од Радовиш испиша историја со освојувањето на Европската клупска титула во 1995 година, а една година подоцна и Светската интерконтинентална титула во 1996 година, со што македонското борење го постави на светската мапа.
- Златната генерација на борачи
На спомен-бистата и во историјата на македонскиот спорт засекогаш ќе останат запишани имињата на борачите:
Тони Танев, Тони Анчев, Никола Калајџиев, Влатко Соколов, Васо Спасов, Данчо Вучков, Трајче Димков, Валери Верхушин, Трајан Ангелов, Мохамед Ибрахимов, Шабан Трстен, Гари Модосјан, Аслан Хагуров, Љубиша Пешко, Јури Голубовски, Магомед Агаев, Севин Миленов, Пламен Пенев, Едвард Куртанидзе, Генадиј Жилцов, Златко Димов, Андреј Ликов, Сашо Лазаров, Роберт Танев, Горан Костадинов, Чедо Николовски, Владе Јованов Филков и Владо Лазаров.
- Луѓето зад успехот – тренери
Големиот успех немаше да биде можен без стручниот штаб, составен од тренерите:
Димчо Ангелов, Добре Ангелов, Блажо Ристов, Добрин Трајков, Владимир Местевришвили и Славчо Илиев.
- Судии и делегати
Значаен придонес во организацијата и меѓународната афирмација имаа и судиите и делегатите:
Цено Ценов (Бугарија), Бранислав Симиќ (Југославија), Дарко Нишовик (Југославија), Тодор Гудев (Бугарија), Плашкар Калмар (Унгарија), Александар Попов (Русија), Иван Круј (Унгарија), Џампјеро Галијани (Италија), Иштван Ковач (Унгарија), Раде Ачиќ (Југославија), Томаш Елек (Унгарија), Теодорис Проворалакис (Грција), Десмунд Етијен (Швајцарија), Кирил Тунџев (Македонија), Илија Трајанов (Македонија) и Љупчо Јанев (Македонија), како и претседателот на СЕЛА Цено Ценов.
- Претседатели кои оставиле белег
Низ годините клубот бил воден од низа истакнати спортски работници и претседатели:
Никола Ѓоргичков, Ацо Долдуров, Коста Ржев, Коста Бојаџиев, Ристо Ристов, Ѓорги Андреев, Тимчо Дамбов, Никола Атанасов, проф. д-р Ванчо Чифлиганец, Влатко Гаврилов, Кирчо Сусинов, Коста Поцков, Слободан Стојанов, Данчо Вучков, Димитраќе Ѓорѓиев, Димитар Атанасов, Герасим Конзулов, Николајчо Николов, Игор Чапов, Ацо Поцков и Владо Лазаров.
Посебно место во историјата има и г-дин Милан Ерцеган, претседател на FILA, кој имаше голема улога во развојот и меѓународната афирмација на борењето.
Свеченоста во Радовиш беше вистински потсетник на златните години на македонскиот спорт, но и силна порака дека борењето во Радовиш не е само спорт – туку традиција, гордост и идентитет.
Спортска Мрежа ексклузивно ќе ви го пренесе емотивниот говор на проф. д-р Ванчо Чифлиганец, како и самата атмосферата од овој важен и голем настан за борењето и за Радовиш како град на борењето.
