Битолскиот прволигаш Пелистер есенската полусезона ја заврши на деветтото место со 16 бодови на своето конто, со учинок од четири победи, четири ремија и осум порази.
Тренерот на Пелистер, Милан Стојаноски откри дека тимот на зимски подготовки ќе замина во Анталија, каде на турско тло ќе се одиграат и неколку пријателски натпревари.
Притоа, тој истакна дека Пелистер ќе се засили со најмалку четири фудбалери на четири позиции, а првиот собир ќе го имаат веднаш после Божикните празници.
“Во паузата меѓу двата дела на сезоната мора да се размислува и да се поправат слабите точки кои ги забележавме оваа есен. Поради различни причини, клубот не беше во посакуваната позиција на стартот на сезоната, но сега мислам дека ја имаме комплетната слика и ќе собереме сила да излеземе од кризата. Ќе се потрудиме да донесеме неколку засилувања, најмалку четири фудбалери за четири позиции, а потоа да одработиме квалитетни подготовки, со цел да го дочекаме подготвени пролетниот дел. Првиот собир ќе го имаме веднаш по Божикните празници, а во втората половина на јануари ќе продолжиме за Анталија, каде што покрај подготовките ќе имаме и неколку контролни натпревари”.
Стојаноски зборуваше за резултатите на Пелистер од есенскиот дел и направи еден анализа на се што Пелистер има зад себе оваа есен, а зборуваше и за пролетниот дел, можете да прочитате овде.
