Утре, со почеток од 17:00 часот, на стадионот Stade de La Beaujoire – Louis Fonteneau во Нант ќе се одигра натпреварот меѓу младинските екипи У19 помеѓу Нант од Франција и Макаби Хаифа од Израел. Овој дуел привлекува внимание поради значењето што го носи, а дополнителен мотив за македонските љубители на фудбалот е фактот што главната судиска улога ќе ја има македонски претставник.
Македонскиот интернационален судија Игор Стојчевски е назначен за главен арбитар на овој европски меч од младинските категориии до 19години. Нему ќе му асистираат уште двајца македонски судии – Куштрим Лика како прв асистент и Кристијан Џонов како втор асистент. Комплетната македонска судиска тројка претставува сериозно признание за македонското судиско тело и неговиот напредок на меѓународната сцена.
Контролор на судењето ќе биде Французинот Фреди Фотрел, додека за официјален делегат на УЕФА е назначен Курт Цупингер од Швајцарија.
Овој ангажман е уште една потврда дека македонските судии добиваат сè поголема доверба во европските натпреварувања и достоинствено се претставуваат рамноправно со арбитри од најсилните фудбалски земји.
