Утре во СРЦ „25 Мај“ во Радовиш ќе се игра одново европска одбојка – актуелниот освојувач на Купот на Македонија, Штип УГД оди на мегдан против италијанскиот гигант Алијанц Милано.
По успешната европска авантура на штипјани против норвешки Кол Ил каде токму во СРЦ „25 Мај“ во Радовиш го добија тимот од Осло и обезбедија пласман во следната фаза од Челинџ Купот, сега доаѓа нов, но далеку потежок предизвик.
Штипјани бараат и очекуваат силна поддршка од трибините, полна сала и можност за нов европски успех.
Натпреварот меѓу Штип УГД и Алијанц Милано се игра во среда со почеток од 19 часот.
