Управниот одбор (УО) на Фудбалската федерација на Македонија (ФФМ) на вчерашната седница донесе одлука да не го продолжи договорот со селекторот на македонската фудбалска репрезентација, Благоја Милевски, кој веќе е поранешен селектор, бидејќи на 30 ноември 2025 година истече неговиот договор.
Управниот одбор на ФФМ смета дека на македонската А репрезентација ѝ е потребна нова енергија и поинаков мотив за претстојните предизвици што ја очекуваат нашата национална селекција.
Управниот одбор на ФФМ најдоцна до 25. декември 2025 година ќе донесе одлука за назначување на нов предводник на А репрезентацијата на Македонија.
Тоа значи дека за околу 20-тина дена ќе биде познат наследник на Милевски, а тоа може да се случи и порано.
