Стефан Михајловски продолжува да ја пишува најубавата македонска приказна на Светското првенство во кик-бокс кое се одржува во Абу Даби, ОАЕ. Нашиот репрезентативец обезбеди пласман во финалето по одличното полуфинално издание, каде што со јасни 3-0 рунда го совлада Блаж Поточник од Словенија, демонстрирајќи зрела, агресивна и технички прецизна борба.
Михајловски од самиот почеток на турнирот покажува константност, самодоверба и огромна физичка подготвеност, што беше пресудно и во полуфиналната пресметка. Неговите удари беа поостри, тактиката посоодветна, а контрола на мечот целосно во негови раце.
Во борбата за златниот медал, Стефан ќе се соочи со искусниот Полјак, Рафал Гасчак — еден од најценетите борци во својата категорија. Финалето ветува жесток и атрактивен дуел, а Михајловски ќе има шанса да запише историски успех и да донесе светска титула во Македонија.
