Утре ќе се одиграат четири од пет натпревари од последното есенско коло на Трета лига – Исток. Натпреварот од 11. коло меѓу Хоризонт Турново и Рудар е одложен и истиот ќе се одигра на почетокот од месец март 2026 година пред почетокот на пролетниот дел од сезоната.
Како што ексклузивно дознава Спортска Мрежа причината за одложување е тоа што стадионот „Кукуш“ во Турново и околните терени во струмичко се подготвуваат за репрезентативни натпревари, од таа причина со согласност на двете екипи мечот ќе се одигра пред почетокот на пролетниот дел.
Во однос на останатите натпревари познати се судиите кои ќе ја делат правдата.
Во Берово ќе се соочат Малеш и Овче Поле, каде Тоше Џамов ќе биде главен судија, а негови помошници ќе бидат Мики Ѓеоргиевски и Драган Цветанов.
Доне Ристовски ќе биде главен во Струмица каде што ќе играат Тиверија и Светлост Зрновци, а негови помошници ќе бидат Николче Симонов и Александра Спасова.
Блаже Јанев ќе го суди дербито меѓу Карбинци и Ударник, а негови асистенти ќе бидат Иван Танев и Стефан Митров.
Во Делчево ќе се сретнат Брегалница и непоразениот лидер Победа од Валандово, правата на овој меч ќе ја дели Здравко Костовски, а негови помошници ќе бидат Цане Давитков и Марио Кочијев.
Сите четири натпревари ќе започнат во 13 часот.
