Денес се играат три натпревари од 14. коло на Првата женска фудбалска лига во Струмица, Битола и Македонска Каменица. Познати се официјалните лица односно судиите кои ќе делат правда.
Тиверија Брера како голем фаворит на домашен терен ќе се соочи со Речица, мечот започнува во 14 часот, а главен судија ќе биде Виолета Јанчева, додека пак нејзини помошници ќе бидат Иван Танев и Снежана Илиевска.
Златко Зафиров ќе биде контролор на мечот кој се игра во Струмица.
Кирил Смоквоски ќе дели правда во Битола каде ќе играат Топ Гол и фаворитот Ас Јунајтед, а негови помошници ќе бидат Ангела Домазетовска и Дино Конески.
Средбата стартува во 13:30 часот, а контролор на истата ќе биде Жарко Тодоровски.
Каменица Саса на домашен терен ќе се соочи со Истатов, а таму главен судија ќе биде Здравко Костовски, додека пак негови помошници ќе бидат Тоше Ицев и Радмила Неркова.
Натпреварот започнува во 13 часот, а Винко Смокварски ќе биде контролор.
Дербито на колото се игра утре во Пржино каде ќе се соочат Скопје и шампионот Љуботен, во битка кој да биде есенски шампион.
14-тото коло ќе се затвори дури во недела со натпреварот кој е дерби од дното на Кочани и Вардар.
За овие два натпревари дополнително ќе бидат делегирани судиите, бидејќи до овој момент нема делегирање.
