Фудбалерот на Јуниор од Доброшане, Никица Петрушевски е најдобар стрелец во Општинската фудбалска лига во Куманово.
32-годишниот фудбалер уште еднаш се истакнува со својот голгетерски инстинкт и со постигнати девет погодоци е најдобар стрелец во ОФЛ Куманово.
Со оглед на тоа што ОФЛ Куманово е поделена на две групи, Петрушевски е најдобар стрелец и во двете групи.
Втор на листата на најдобри стрелци е Валериј Ѓорѓиевски од екипата на Ран Производ, а пак Дарио Јакимовски кој настапува за Речица има шест гола.
Во другата група на ОФЛ Куманово најдобри стрелци се Гоце Насковски од екипата на Победа од Тромеѓа, како и Ерсин Нуредени од екипата на Македонија Агино, кои имаат по шест постигнати погодоци.
Екипата на Јуниор од Доброшане за која настапува Никица Петрушевски во својата група е непоразен лидер со 16 бодови и учинок од пет победи и едно реми. Од 27 постигнати погодоци, девет се токму дело на Петрушевски, а тимот има одлична одбрана со пет примени погодоци.
Јуниор е на добар пат да обезбеди влез во Трета лига – Север за следната сезона.
