Синоќа во Кочани се одигра натпреварот од 2. коло на Втората футсал лига со што се комплетира оваа рунда.
Трите бодови останаа дома откако дебитантот Фудбал Старс Ауто Велт славеше со 6:3 над Партизан Југ од Брвеница.
Првото полувреме понуди четири погодоци и 2:2 на полувреме, а домашниот тим го слави името на Христијан Крстов кој постигна хет-трик, додека пак двоен стрелец беше Славче Живков, а еден гол постигна Давид Тренчев.
За гостинот искусниот Даниел Радески беше двоен стрелец, а еден гол постигна Марко Спироски.
