Селекторот Александар Ашаданов не ја криеше радоста и задоволството после минималната, но голема победа над Данска од 79:78 во Скопје.
Ашаданов, вели дека девојките покажале како се бори и се гине за националниот дрес, а притоа истакна дека девојките ќе бидат мотивирани да дадат се од себе и за дуелот со Грција.
„Најпрво, честитки за прикажаното денес до мојот тим. Нешто што е најдобро и најубаво за мене е што овие девојки ќе бидат идоли на помладите девојчиња кои тренираат и треба да бидат идни репрезентативки, затоа што покажаа како се бори и како се гине за дресот со државниот грб на терен.
„За следниот меч, Грција е фаворит број еден во групата и игра на евро-шампионатите по ред. Сакам да добиеме поддршка од публиката, а овие девојки сигурно ќе бидат мотивирани и ќе дадат се од себе и на тој дуел“- дополни Ашаданов на прес-конференцијата по мечот со Данска.
