Во салата „Боро Чурлевски“ вечерва од 20:45 часот битолската публика повторно ќе ужива во ракомет од највисоко ниво. Еурофарм Пелистер го пречекува унгарскиот гигант ПИК Сегед во еден од клучните натпревари за продолжување на сонот наречен осминафинале во Лигата на шампионите.
По поразот во дербито од Веспрем, Сегед пристигнува во Битола со мотив да се врати на победничките патеки. Тимот има половичен биланс и шест бода на четвртата позиција во својата група.
Битолчани, пак, се наоѓаат на претпоследното место со два освоени бода и се свесни дека мора да освојуваат бодови доколку сакаат да останат во игра во елитното европско друштво.
Се очекува полна сала, жесток дуел и нова ракометна вечер во која Еурофарм Пелистер ќе се обиде да ја искористи поддршката од својата публика и да стигне до голем резултат.
