Денес се одиграа натпреварите од деветтото коло во Третата македонска фудбалска лига – Југ. Еден натпревар не се одигра — дуелот меѓу Венец и Дреново во Долни Дисан, кој беше одложен и ќе се одигра во нов термин.
Дербито на колото се одигра во Велес, каде минатогодишниот второлигаш Борец со минимални 1:0 славеше над Превалец. Единствениот погодок на натпреварот беше постигнат во 17. минута, а стрелец беше Теодор Мирчевски.
Екипата на Ултрас забележа убедлива победа од 4:1 на домашен терен над Башкими од Јаболчиште. Двоен стрелец беше Игор Паноски, а по еден гол за домаќините постигнаа Христијан Бараковски и Дарио Наумовски. За гостите, единствен стрелец беше Семир Имеров.
На домашен терен, Росоман беше поразен со 1:3 од Младост од Кривогаштани. Гостите поведоа рано преку Мартин Деркоски во 7. минута, кој подоцна во 66. минута го зголеми водството на 0:2. Во 73. минута Стевче Ангелевски постигна гол за 0:3, а почесниот погодок за домашниот тим го постигна Христијан Атанасов во 88. минута.
Екипата на Бучин на свој терен славеше со 3:1 против Млекар. Андреј Николовски беше двоен стрелец, а во листата на стрелци се запиша и Александар Србиновски. За гостите, единствен погодок постигна Виктор Јовановски.
Во интересен натпревар, Тополка немаше сили за изненадување против фаворитот Питу Гули од Крушево, кој славеше со 2:3. Гостите поведоа со гол на Даниел Нечовски, но домаќините направија пресврт преку Бесник Муртезани и Џенис Томбул за водство од 2:1. Сепак, во вториот дел Соте Волчевски погоди двапати — во 66. и 78. минута — и донесе три бода за гостите.
Во ова коло Влазними Јуниор беше слободен.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК БОРЕЦ 1919 АД | 9 | 8 | 0 | 1 | 32 | 5 | +27 | 24 |
| 2 | ФК ПРЕВАЛЕЦ | 8 | 6 | 1 | 1 | 31 | 4 | +27 | 19 |
| 3 | ФК ПИТУ ГУЛИ | 8 | 6 | 1 | 1 | 23 | 7 | +16 | 19 |
| 4 | ФК УЛТРАС | 9 | 5 | 1 | 3 | 30 | 18 | +12 | 16 |
| 5 | ФК РОСОМАН-83 | 8 | 4 | 2 | 2 | 18 | 15 | +3 | 14 |
| 6 | ФК ВЕНЕЦ с.Долни Дисан | 8 | 4 | 1 | 3 | 14 | 13 | +1 | 13 |
| 7 | ФК Влазними Јуниор | 8 | 4 | 1 | 3 | 15 | 16 | -1 | 13 |
| 8 | ФК МЛАДОСТ 1930 | 8 | 3 | 0 | 5 | 13 | 31 | -18 | 9 |
| 9 | ФК Бучин | 8 | 2 | 2 | 4 | 9 | 18 | -9 | 8 |
| 10 | ФК БАШКИМИ 2008 | 8 | 1 | 3 | 4 | 10 | 12 | -2 | 6 |
| 11 | ФК ТОПОЛКА | 9 | 1 | 2 | 6 | 6 | 24 | -18 | 5 |
| 12 | ФК МЛЕКАР | 8 | 1 | 1 | 6 | 9 | 24 | -15 | 4 |
| 13 | ФК ДРЕНОВО 2016 | 7 | 0 | 1 | 6 | 6 | 29 | -23 | 1 |
| 14 | ФК СЛОГА 1976 | 0 | 0 | 0 | 0 | 0 | 0 | 0 | 0 |
