По 11 одиграни кола во Првата женска фудбалска лига во врвот промени нема. Љуботен успеа да триумфира во финишот над Каменица Саса благодарение на голот на Александра Марковска и така да ги собере трите бодови со цел да го сочува првото место. Шампионот на контото има 31 бод, еден повеќе од Скопје кој е втор и кој „диши во врат“. На третата позиција е екипата на Тиверија Брера од Струмица со 24 бодови.
Во долниот дел од табелата екипата на Речица се обидува да направи бодовна разлика и да се одлепи од последните две позиции со цел да има мирна завршница кога е во прашање опстанокот. Тимот на Речица е на седмата позиција со седум бодови, а пак дебитантот Вардар е на осмото место со пет бодови.
На претпоследното место или во бараж зоната е Топ Гол од Битола, а овој тим има четири бодови, колку што има и повратникот Кочани, кој е на дното од табелата.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ЖФК ЉУБОТЕН | 11 | 10 | 1 | 0 | 49 | 5 | +44 | 31 |
| 2 | ЖФК СКОПЈЕ 2014 | 11 | 10 | 0 | 1 | 35 | 5 | +30 | 30 |
| 3 | ЖФК ТИВЕРИЈА БРЕРА АД | 11 | 8 | 0 | 3 | 23 | 15 | +8 | 24 |
| 4 | ФК АСС УНИТЕД/ЖФК | 11 | 6 | 2 | 3 | 25 | 15 | +10 | 20 |
| 5 | ЖФК КАМЕНИЦА САСА | 11 | 6 | 0 | 5 | 33 | 12 | +21 | 18 |
| 6 | ЖФК СЦ ИСТАТОВ 2015 Скопје | 11 | 5 | 2 | 4 | 31 | 16 | +15 | 17 |
| 7 | ЖФК РЕЧИЦА | 11 | 2 | 1 | 8 | 18 | 39 | -21 | 7 |
| 8 | ЖФК Вардар 2023 | 11 | 1 | 2 | 8 | 5 | 52 | -47 | 5 |
| 9 | ФК ТОП ГОЛ/ЖФК | 11 | 1 | 1 | 9 | 7 | 23 | -16 | 4 |
| 10 | ЖФК КОЧАНИ | 11 | 1 | 1 | 9 | 7 | 51 | -44 | 4 |
