Екипата на Крошу Спорт од Битола забележа домашен триумф над Баир Спорт од 2:1, во меч од 7. коло на Супер А1 лигата во Битола или Четврта по ранг лига.
Натпреварот го одбележаа двата гола на Александар Крстевски постигнати во вториот дел за комплетен пресврт и триумф на Крошу Спорт, откако на полувреме Баир Спорт имаше предност од 0:1 со голот на Петар Соклевски.
Домашниот тим одигра одличен меч со одлично проигрување и атрактивен гол на Крстевски.
Ова беше дерби меѓу лидерот Баир Спорт кој го доживеа првиот пораз и Крошу Спорт кој е втор со 15 бодови, а пак лидерот има три бодови повеќе односно 18.
Во следното коло екипата на Крошу Спорт на домашен терен ќе се соочи со тимот на Црна Река од Долна Чарлија, а домаќинот ќе биде голем фаворит за нов триумф и нови три бодови.
