Екипата на Младост ја продолжува големата победничка серија, во Богданци не се даваат бодови, Јехона во целост беше декласирана со резултат од 45:28, во меч од 8. коло на Првата ракометна лига.
На почетокот од мечот гостинот се обидуваше да парира, но после 19. минута кога беше 10:10 домаќинот започнува да гради сериозна резултатска предност и на полувреме замина со резултат од 21:13.
Во вториот дел на рутина и без проблеми Младост стигна до убедлива победа од 45:28.
Лазар Адамовиќ постигна 10 погодоци, а го следеше Душан Каркалашев со осум реализации, кај гостинот стандардно се истакна Адис Салиу со девет погодоци.
Македонија Ѓорче Петров без проблеми го доби тимот на Шампион со убедливи 39:20. На овој меч прво име кај домаќинот беше Мартин Бучуковски, а кај Шампион 12 погодоци имаше Давид Јовчевски.
Драчево Јуниор ја оправда фаворитската улога во Свети Николе каде со 19:22 го доби тимот на Овче Поле, додека пак екипата на Партизан на домашен терен со 33:29 го доби мечот со Преспа.
Висока победа однесе тимот на Текстилец од 16:49 над „фенерџијата“ Кичево. За штипскиот тим прво име беше Филип Џинес со 15 погодоци, а пак Јован Атанасовски имаше девет. Кај домашниот тим Филип Тошеф имаше десет погодоци.
Колото се затвара утре со мечот меѓу Вардар Неготино и Аеродром, каде домаќинот е голем фаворит.
