Одложените натпревари во Трета лига – Исток добија датум за одигрување. Денес во Валандово ќе се одигра одложениот меч меѓу Победа и Дојранско Езеро, додека пак во сабота на 1 ноември ќе се одиграат останатите два одложени натпревари.
Натпреварот од 7. коло меѓу Хоризонт Турново и Победа Валандово е закажан за сабота, а исто така во сабота ќе се одигра и мечот во Делчево меѓу Брегалница и Тиверија.
Со тоа ќе бидат одиграни сите одложени натпревари во Трета лига – Исток, кои претходно беа одложени на барање на клубовите, а сите за иста причина – вирус кај играчите.
