Вториот круг од локалните избори го одложија деветтото коло во Трета лига – Исток, па така наместо во недела на 2 ноември, натпреварите се презакажани за седум дена подоцна, односно на 9 ноември (недела).
Меѓутоа, како што веќе објави Спортска Мрежа, раководството на Трета лига – Исток одлучи трите одложени натпревари во меѓувремено да бидат одиграни.
Веќе денес во Валандово ќе се одигра натпреварот меѓу Победа и Дојранско Езеро, тоа е одложениот меч од 6. коло.
На 1 ноември (сабота) ќе се одигра натпреварот меѓу Хоризонт Турново и Победа Валандово, тоа ќе биде дерби од 7. коло, додека пак исто така во сабота ќе се одигра и мечот меѓу Брегалница Делчево и Тиверија од осмото коло.
