Стартот од новата сезона во Првата одбојкарска лига во машка конкуренција донесе победи за фаворитите. Работнички на домашен терен со 3:0 во сетови го доби составот на Скопје.
Со 3:0 во сетови славеше и тимот на ГОК Борец на домашен терен против Лирија, додека пак освојувачот на Купот од ланската сезона екипата на Штип УГД на гостински терен кај Сушево беше убедлива со 0:3 во сетови.
Победа на потежок начин забележа Универзитет во Тетово откако славеше со 3:2 над Шкендија, а пак гостинска победа славеше Македонија Џио, откако во Пробиштип триумфираше со 2:3 во сетови над Весна Пробиштип.
Колото ќе се комплетира со натпреварот меѓу шампионот Струмица и Јанта Волеј, меч кој беше одложен поради европските обврски на струмичани.
