Вечерва во Кавадарци беше отворено 3. коло од Првата футсал лига на Македонија, откако во меч со девет гола Проект славеше над Клими со 4:5.
Во атрактивен и неизвесен меч и двете екипи ги посакуваа трите бодови со цел да дојдат до целиот „плен“ односно освојување на трите бодови.
Домашниот тим преку Чоков и Аризанков по три минути игра имаше 2:0, а потоа гостинот преку Благојевски и Даиловски израмни на 2:2 веќе во 6. минута, а тоа беше најава за возбудливиот меч кој се одигра во Спортскиот центар „Јасмин“ во Кавадарци.
Во 18. минута од мечот Благојевски со втор гол направи комплетен пресврт за Проект од 2:3 на полувреме.
Во вториот дел Михајлов и Гавровски погодија за 2:5, а до карјот Никовиќ со два гола само го ублажи поразот на конечните 4:5.
Утре Форца ќе игра против Кеги Моби, а пак в недела Јувентус Серава против Осогово од Крива Паланка, Црна Река против Железарец, а пак Бутел со Шкупи.
