Шампионот Форца денес како апсолутен фаворит на домашен терен ќе го пречека тимот на Кеги Моби од Велес, во рамки на 3. коло од Првата футсал лига на Македонија, а кое коло беше отворено вчера со победата на Проект од 4:5 над Клими во Кавадарци, за што информираше Спортска Мрежа, а ќе се комплетира утре.
Форца која лани ја свои двојната титула забележа големи резултати и во Европа, а на стартот од новата сезона ги декласираше противниците, па против Кеги Моби ќе биде апсолутен фаворит за нови три бодови и трето славје.
Велешкиот тим ќе има навистина тешко гостување, каде за нив и реми ќе биде повеќе од голем бод на нивното конто.
Форца на стартот од сезоната го декласираше Железарец со 11:1, а потоа во Крива Паланка со 5:9 го доби и Осогово.
Од друга страна Кеги Моби тргна со дебакл откако загуби со 7:1 во Крива Паланка од Осогово, а во втората рунда одигра 4:4 со Клими на домашен терен.
Велешани по два натпревари немаат триумф, а на своето конто имаат еден бод со негативна гол разлика од 5 постигнати и 11 примени погодоци.
Натпреварот ќе стартува во 17:30 часот.
