Синоќа во Тетово беше отворено 2. коло од Втората футсал лига, а во рамки на воведниот меч СЕЕ Университи со 8:2 го декласираше битолски Конзули.
Домашниот тим беше фаворит за трите бодови, а поголемиот фонд на играчи, ротацијата и свежината беше уште една причина плус, бидејќи гостинот во Тетово допатува со девет играчи, во однос на домаќинот кој имаше 13 играчи.
Хисен Мемеди беше стрелец на четири голови за домаќинот, хет-трик запиша Самир Рамадани, а еден гол беше дело на Амин Шаќири. За гостинскиот тим стрелци на стартот од мечот беа Спировски и Јовановски.
Денес Кратово ќе биде домаќин на Кораби, Балкан против ПОбеда, а пак Каршиака против Енхалон. В недела Карадаку ќе игра против штипски Мал Ајаск, а пак Овче Поле против ССК Скопје.
