Фудбалот во валандовското село Пирава се сака – фудбалскиот клуб Ударник кој се натпреварува во Третата македонска фудбалска лига – Исток има силна поддршка од трибините.
По шест кола во Трета лига – Исток, екипата на Ударник е на делба на првото место заедно со Победа Валандово со по 12 бодови, но екипата на Валандово има меч помалку.
Ударник годинава игра допадлив фудбал и со ангажманот на неколкуте квалитети и искусни засилувања сигурно е дека ќе цели кон висок пласман односно ќе го напаѓа првото место кое води кон баражот за можен влез во Втора лига. Тука се искусните Александар Тенекеџиев кој е капитен на тимот, потоа Илија Баламов, Адријан Спасиќ, Славе Танов, Јовче Крстев, Мирче Попов, Лазе Грбашлиев…. Од екипата на Ударник најдобар стрелец е Адријан Спасиќ со четири погодоци.
Атмосферата на трибините во Пирава кога игра ударник е фантастична, а збогатена со навивачката група „пирати“. Во следното коло екипата на Ударник ја очекува гостување во Нов Дојран кај тимот на Дојранско Езеро.
Дефинитивно е за поздравување работата и организацијата на Општинскиот фудбалски сојуз (ОФС) Валандово, бидејќи со целосната реореганизација и по доаѓањето на Сашко Бајлозов за претседател на ОФС Валандово, ФК Победа Валандово се врати во Трета лига – Исток, се врати и Општинската фудбалска лига (ОФЛ) во Валандово, а дефинитивно и одличните резултати како на Победа Валандово, така и на Ударник потврдуваат дека валандовско секогаш знае да дава фудбалски таленти.
