Фудбалската школа Ултрас Кидс од Струга која на фудбалската карта на Македонија постои неколку години, нижи големи резултати, а се работи за фудбалска школа која остава сериозен белег, а исто така и за школа која е симбол за посветеност, визија и љубов кон фудбалот и децата.
Фудбалската школа Ултрас Кидс веќе бележи огромни не само домашни, туку и меѓународни успеси. Според официјалната ранг-листа на AFT Tour, стружани се наоѓаат на 3. место на Балканот според бројот на освоени турнир со генерација 2016, a со 120 поени.
Во генерација 2016 или U-10 според AFT на првото место е Партизан од Белград со 150 поени, втор е Александро од Скопје со 130 поени, Ултрас Кидс од Струга е трет со 120 поени со што се потврува посветеноста на тренерот Танас Калајџиески кој успешно ја води оваа генерација, а толку има и Хајдук од Сплит, а пак на петтото место е Војводина од Нови Сад со 115 поени.
„Да се најдеме рамо до рамо со гиганти како Хајдук, Партизан, Динамо и Црвена Ѕвезда е огромна чест и доказ за трудот, дисциплината и љубовта кон фудбалот што ја вложуваат нашите деца и тренери. Ова е само почеток – продолжуваме уште посилно“, велат од Ултрас Кидс.
Големи резултати и успеси има и генерација 2015, а со истата Ултрас Кидс е на 8-тото место со 65 поени.
Во рамки на генерација 2015 на првото место е Партизан од Белград со 160 поени, Хајдук од Сплит е втор со 150 поени, скопска Форца е трета со 135 поени, а пак Црвена Ѕвезда од Белград е на четвртото место со 80 поени, а на 5. место е Вараждин со 75 поени, а пак Ултрас Кидс е на осмата позиција со 65 поени.
Петар Џигероски e раководител на школата и координатор на младинската школа на ФК Струга, Танас Калајџиески e активен од 2021 година, го води тимот од генерација 2016, а пак Фламур Таири е дел од тимот од 2023 година, предводи неколку категории.
