Екипата на Младост од Богданци ја забележа највисока победа сезонава откако го декласираше Кичево со 44 голови разлика за конечни 13:57.
Овој натпревар требаше да се игра во Кичево, но поради зафатеност на салата двата клуба во заеднички договор го заменија домаќинството, па така мечот се одигра во Богданци.
Од самиот почеток на натпреварот беше јасно дека Младост ќе забележи убедлива победа, откако по шест минути играше имаше водство од 0:7, а првиот гол Кичево го постигна во седмата минута од мечот.
Екипата на Кичево само пет погодоци постигна во првиот дел од натпреварот, а во вториот меч Младост само ја зголемуваше предноста и на крај славеше со 13:57.
Кај Кичево со по три гола се истакнаа Славко Бошковиќ и Петар Стерјоски, а пак кај Младост најпрецизен беше Ѓорѓе Атанасов, додека пак седум погодоци имаш Антонио Николоски.
Со овој триумф екипата на Младост најавува дека е подготвен за големото дерби кое следува следното коло во Богданци – директно дерби со Мулти Есенс. Тоа ќе биде соочување на две непоразени екипи кои се дикренти конкуренти за првото место кое директно води кон Суперлигата.
