Штипјанецот Лука Ананиев блеска на меѓународната сцена и уште еднаш потврди дека е еден од најголемите млади таленти во македонското борење. По серија импресивни настапи и три убедливи победи над претставници од Косово, Молдавија и Турција, Ананиев обезбеди место во големото финале на престижниот меѓународен турнир.
Финалната борба е закажана за денеска во 16:00 часот, а негов противник ќе биде турскиот натпреварувач Буџра Елдемир. За Ананиев ова финале претставува голема шанса да го потврди својот талент и да донесе уште еден голем успех за македонското борење.
Покрај Лука, уште петмина македонски репрезентативци ќе имаат можност да се изборат за медали. Кристијан Атанасов, Мираџ Мустафа, Даријан Павлев, Христијан Димитриев и Викторија Ѓурова успеаја да стигнат до полуфиналните борби, но по тесни порази ќе се борат за бронзени одличја.
