Фудбалскиот клуб Пелистер ја известува јавноста дека по взаемна согласност се раздели со досегашниот шеф на стручниот штаб Димитар Капинковски.
По првите девет натпревари во Првата македонска фудбалска лига, „зелените“ од Битола имаат две победи, едно реми и шест порази, резултати кои не ги задоволија амбициите на клубот за подобар пласман на табелата.
Раководството на клубот во соопштението се заблагодари на Капинковски за сработеното во изминатиот период и за професионалниот пристап што го покажа уште од првиот ден на својата функција.
Клубот најави дека деновиве ќе го промовира новиот шеф на стручниот штаб, кој ќе има задача да ја врати екипата на победничките патеки и да донесе свежа енергија во соблекувалната.
