Кравари минимално слави над Света Троица, Влазними го доби струшкото дерби со Караорман

Четвртото коло во Трета лига – Југозапад донесе победа за екипата на Кравари од минимални 1:0 над Света Троица од Охрид, благодарение на голот на Иван Иванов кој беше постигнат во 47. минута.

Натпреварот меѓу Демир Хисар и Велешта не се одигра, откако гостинот по чекање од 30 минути не се појави на теренот. Тоа значи службена победа од 3:0 и службени три бода за Демир Хисар.

Влазними славеше во струшкото дерби со Караорман со резултат од 2:0, а резултатот го отвори Денис Шадов во 7. минута, а пак Уран Речица во 31. минута ги постави конечните 2:0.

Могила со убедливи 4:0 славеше над Кораб од Дебар домашен триум. Хакан Алимовски беше двоен стрелец, а по еден гол постигнаа Александар Кочишки и Мики Талевски.

Најмногу погодоци беа постигнати во Мешеишта – вкупно пет за триумф над Славеј од 3:2 над Напредок од Ношпал.

По две минути игра гостинот прекуд Виктор Гелевски дојде до водство од 0:1, но веќе во 4. минута беше 1:1 со голот на Даниел Митрески.

Во 32. минута следуваше комплетен пресврт за водство на домашниот тим со голот на Даниел Короскоски од 2:1 на полувреме.

Стартот од вториот дел донесе ново израмнување откако погоди Владе Јанакиевски за 2:2. Во 60. минута гостинот остана со играч помалку на теренот откако црвен картон заработи Сефан Ковачев, а десет минути подоцна Никола Јордески ги постави конечните 3:2 со што трите бодови останаа дома.

Ваквиот резултат направи да има промени во врвот со што сега истиот го делат Влазними и Кравари со по девет бодови, а на дното останува Велешта со еден бод.