Новиот второлигаш Големо Коњари ја запиша својата прва сезонска победа, откако на домашен терен со минимални 1:0 славеше над Кожуф и ги освои првите три бодови.
Големо Коњари стана првиот тим кој успеа да го запре Кожуф и да му го нанесе првиот пораз на гевгелискиот состав, во натпревар од 6. коло во Втората лига. Единствениот погодок беше автогол на Дарко Стојанов во 31. минута од средбата.
Со овој триумф прилепскиот второлигаш дојде до своите први бодови и силно мотивиран ќе ги бара следните бодови во борбата за опстанок во лигата.
Минималната победа предизвика голема радост и славје во селото Големо Коњари, кое вечерва го прослави историското прво славје во Втората лига
