Викендов се игра 8-то коло од Првата женска фудбалска лига, а сите натпревари се закажани за недела. Делегирани се судиите кои ќе ја делат правдата на терените, а очекуваме возбудливи средби со многу голови и интересни моменти.
Скопското дерби меѓу Скопје и Истатов го доби Александра Спасова од село Мустафино, Свети Николе. На теренот ќе и помагаат Татјана Ивановска од Куманово и Александар Николоски, додека контролор на мечот ќе биде Никола Божиновски од Скопје. Натреварот е закажан во 11:00 часот на стадионот Јован Мандаровски.
Во Струмица, екипата на Тиверија ќе се соочи со Кочани. Главен судија ќе биде Виолета Јанчева од Гевгелија, а ќе и помагаат Иван Танев и Стефан Митров, исто така од Гевгелија. Контролор на натпреварот е Златко Зафиров од Валандово.Натреварот ќе започне во 13:00 часот на општинското фудбалско игралиште во Струмица.
Во Битола, Топ Гол ќе ја пречека Каменица Саса, а судиската тројка предводена од Кирил Смоквоски ќе ја сочинуваат Ангела Домазетовска од Битола и Димитар Здравески од Прилеп. Контролор на мечот ќе биде Жарко Тодоровски од Охрид. Натреварот се игра за павел шатев со почеток од 15:00часот.
На натпреварот помеѓу Речица и Вардар, главен судија ќе биде Александар Урошевиќ од Тетово, со помошници Савеска Цветанка од Јегуновце и Османи Метин од Тетово, а контролор на мечот е Миноски Аце од Скопје. Овој меч ќе започне во 15:00 часот на фудбалскиот терен во Речица.
Со почеток од 15:00 часот на градскиот стадион во Тетово, Љуботен ќе ја пречека екипата на Ас Јунајтед. Главен судија ќе биде Ангела Рајчевска, а помошнички се Елена Соклевска Илиевска и Тамара Цветановиќ, сите од Скопје. Контролор на натпреварот е Петре Илиоски од Прилеп.
