Викендов се игра 4-то коло од Втората женска фудбалска лига, а делегирани се судиите кои ќе ја делат правдата на трите второлигашки натпревари.
Утре на Градскиот стадион во Велес, со почеток од 11:00 часот, Борец ќе ја пречека екипата на Плачковица. Главен судија на овој натпревар ќе биде Јована Максимовска од Скопје, а ќе и помагаат Тамара Астарџиева и Теодора Крстевска, сите од Скопје. Контролор на мечот ќе биде Марјан Петров од Кавадарци.
Во недела, со почеток од 11:30 часот на игралиштето во село Кравари, Конзули Јунајтед ќе се соочи со Порече. Правдата ќе ја дели Иле Мишески од Прилеп, а ќе му помагаат Темелковски Давид и Јакопетревски Михаил. Контролор на натпреварот е Зоран Костоски од Прилеп.
Во недела, со почеток од 14:30 часот во Охрид, Билјанини Извори ќе ја пречека екипата на Слободен. Главен судија ќе биде Лековски Дени, а помошници ќе му бидат Степановски Петар и Дрнковски Николче, сите од Битола. Контролор на натпреварот ќе биде Дивитаров Мендо, исто така од Битола.
