Кошаркарската Суперлига на Македонија овој викенд ќе ја започне новата сезона. Отворањето е закажано за денес со дербито меѓу актуелниот шампион МЗТ Скопје Аеродром и Маџари, во салата „Јане Сандански“.
Првото коло ќе се одигра во четири дена – од петок до понеделник, со низа интересни дуели низ повеќе градови во Македонија.
Новата сезона ветува голема возбудливост, со дерби дуели уште од самиот старт и борба за позициите кои носат плејоф. Трофејот во македонската кошаркарска Суперлига ќе го брани актуелниот шампион МЗТ Скопје Аеродром. Екипата на Васко Атанасов повторно важи за главен фаворит за титулата, но овојпат се очекува поголем отпор од солидно засилениот Пелистер, но својата шанса ќе ја бараат и амбициозните тимови како ТФТ, Феникс и Работнички, Кожув.
Распоред на првото коло:
-
Петок (03.10)
МЗТ Скопје – Маџари (18:00) -
Сабота (04.10)
Гостивар – Тиквеш (18:00) -
Недела (05.10)
Кожув – ТФТ (18:00)
Чаир – МКК Куманово (19:00)
Феникс – Ангели (20:30) -
Понеделник (06.10)
Работнички – Пелистер (18:00)
