Двајца млади македонски тенисери ја завршија својата недела на силни меѓународни турнири со солидни настапи.
Сара Митевска играше на турнир од категорија 1 во словачкиот град Хумене (до 16 години). Таа во поединечна конкуренција беше поразена од Хрватката Ива Јерковиќ со 2-0 во сетови (6:1, 6:4). Интересно е што токму Јерковиќ подоцна избори место во финалето на турнирот. Во конкуренција на двојки, Митевска настапи заедно со Јерковиќ, но тие беа поразени од украинско-руманскиот тандем Ирма Чуклич и Ајана Миту, кои на крајот и го освоија трофејот.
Марко Алексовски ја претставуваше Македонија на силниот турнир World Tec Cup во Барселона, кој е дел од Суперкатегорија, најсилното ниво во јуниорскиот тенис. Тој својот настап го заврши во третата рунда, каде што беше совладан од Швајцарецот Јонас Ваелти со 2-0 (7:6, 6:1).
