Екипата на Струга конечно стигна до првата победа сезонава во Суперлигата, совладувајќи го Радовиш со 27-24 на домашен терен во СЦ „Тими“.
Избраниците на Жарко Ферукоски водеа од самиот старт и ја контролираа играта, па уште на почетокот стружани имаа 3-0, а потоа во неколку наврати ја зголемуваат предност во 12 минута имаа 7-2 како и 11-6, а на полувреме заминаа со предност од 14-10.
Иако радовишани се обидоа да се вратат во игра во вториот дел и стигнаа до 22-20, но не доволно за цел пресврт, со што Радовиш го запиша петтиот пораз.
Костов беше најефикасен со седум голови, Ферукоски додаде шест, а голманот Тутенкоски блескаше со 13 интервенции. Кај Радовиш капитенот Постолов постигна осум погодоци, а Ацев и Паунов заедно запишаа десет одбрани.
Со овој триумф Струга ги запиша првите бодови и ќе влезе со повеќе самодоверба во следното коло против Прилеп. Радовиш, пак, останува единствен тим без бодови по пет кола и закован на дното од табелата. Во наредното коло ќе има уште потежок предизвик – дуел со Вардар, каде радовишани сосема сигурно ќе го запишат шестиот пораз, прашање ќе биде само со колку разлика ќе загубат на домашен терен.
