Трета лигаФудбал

„Еуромилк Експрес“ пресилен со ОСУМКА, три бода за Фортуна и БВК Коњаре, Пчиња убедлива!

Сподели
ФОТО: ФК Еуромилк ГЛ
Сподели

Вонредното 3. коло во Трета лига – Север донесе вистинска голеада со вкупно 35 погодоци на седум натпревари, што го прави едно од највозбудливите кола од стартот на сезоната.

Пчиња на домашен терен со убедливи 6:2 го совлада новиот третолигаш Беса (Сарај). Николче Стојаноски беше двоен стрелец, а по еден гол постигнаа Бобан Стојановски, Стефан Милчевски, Немање Нешески и Далибор Тодоровски. За гостите единствен стрелец беше Амар Шабани, додека домашниот играч Александар Божинов си постигна автогол.

Студеничани и Куманово ги поделија бодовите (1:1). Кристијан Златковски во 55. минута донесе предност за гостите, но домашните израмнија во 85. минута преку Ниметуља Ајдари, кој беше прецизен од белата точка.

Фортуна без проблеми ја совлада Беса (Слупчане) со 3:0. Илир Сула го отвори резултатот уште во 10. минута, а во второто полувреме Абдула Јашари и Фисник Агуши ги поставија конечните 3:0.


Најубедливиот триумф го оствари Еуромилк ГЛ, кој со 1:8 го декласираше Кадино. Натпреварот започна израмнето – Орхан Мифтар погоди за водство, а веќе по една минута Христијан Веселновски израмни на 1:1. Сепак, до крајот на полувремето Андреј Јаневски и Фати Јусифи донесоа 1:3, а во вториот дел следеше вистинска ерупција: Томче Павловски и Ахмед Бакијов постигнаа по два гола, а еднаш погоди и Оливер Пеев за конечни 1:8.

БВК Коњаре се намачи за победа над новакот Отља, славејќи со тесни 2:3. Елмир Алији и Руфат Чалафи донесоа водство од 0:2 на полувреме, но домаќините преку Сеид Саљији намалија на 1:2. Марио Томовски во 82. минута повторно ја зголеми предноста, а Фатон Нуредини само го ублажи поразот (2:3).

Во натпреварот меѓу Башкими Љуботен и Ржаничино беа постигнати четири гола и на крајот бодовите беа поделени (2:2). Омер Хамити во 5. минута донесе водство за домашните, но гостите направија пресврт преку Мартин Лазев (60’) и Даниел Симоноски (86’). Сепак, Мустафа Јусифи само две минути подоцна израмни за конечни 2:2.

Аеродром славеше со 1:3 на гостувањето кај Лопати (Доброшане). Андреј Бобевски во 44. минута го отвори резултатот, а во второто полувреме Александар Кажлевски и Матеј Ѓурчиновски зголемија на 0:3. Почесниот гол за домаќините го постигна Љиридон Сулејмани во 81. минута.


Поз. Клуб ОН Поб Н Пор ПОС ПРИ ГР БОД
1 ФК ЕУРОМИЛК ГЛ АД 🔼 3 3 0 0 16 2 +14 9
2 ФК Аеродром 2018 🔽 3 3 0 0 11 2 +9 9
3 ЗГ ФК КУМАНОВО ➖ 3 2 1 0 8 2 +6 7
4 ФК БВК КОЊАРЕ ➖ 3 2 1 0 7 4 +3 7
5 ФК ПЧИЊА 2015 🔼 3 2 0 1 12 5 +7 6
6 ФК РЖАНИЧИНО 🔽 3 1 1 1 9 3 +6 4
7 ФК ФОРТУНА 1975 🔼 3 1 1 1 5 5 0 4
8 ФК БАШКИМИ ЉУБОТЕН ➖ 3 1 1 1 7 9 -2 4
9 ФК БЕСА – Скопје ➖ 3 1 0 2 3 10 -7 3
10 ФК КАДИНО 🔽 3 1 0 2 3 11 -8 3
11 ФК Студеничан ➖ 3 0 2 1 3 7 -4 2
12 ФК БЕСА с.Слупчане ➖ 3 0 1 2 2 10 -8 1
13 ФК ЛОПАТИ 97 ➖ 3 0 0 3 2 9 -7 0
14 ФК ОТЉА ➖ 3 0 0 3 3 12 -9 0

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

РепрезентацијаФудбалска репрезентација

Македонија доколку се пласира на СП 2026 ќе добие 10,5 милиони

Светското првенство во фудбал во 2026 година нема да биде историско само по проширувањето на бројот на учесници, туку и по финансиските придобивки...

Турнири

Вечерва на „Стојаково 2025“: Клик Гевгелија против Илинден 2007, ќе може ли Алупласт Васил Јосифово до триумф?

Вечерашната програма на турнирот во мал фудбал „Стојаково 2025“ нуди четири натпревари од кои два кај јуниорите, а пак два кај сениорите. Вечерта...

Поврзани написи
Прва лигаФудбал

Прволигашот Брера Струмица остана без најдобриот играч за пролетниот дел!

Прволигашот Брера Струмица во пролетниот дел ќе влезе со неколку промени во...

Прва лигаФудбал

Македонскиот шампион ќе добие нов пехар, ФФМ распиша конкурс за идејно решение за изработка на пехар

Фудбалската федерација на Македонија распишува конкурс за избор на најдобро идејно решение...

Прва лигаФудбал

Вилдан Салиу: Нашиот план за пролетта е јасен и добро структуриран

Актуелната сезона за Арсими претставува многу повеќе од обично деби во Првата...

Прва лигаФудбал

Алаѓозовски: По лошиот старт, АП Брера имаше задоволителни настапи оваа есен

АП Брера го заокружи првиот дел од првенството на седмата позиција со...

error: Содржина е заштитена! Се забранува копирање на истата!