Вечните ривали- Вардар и Еурофарм Пелистер повторно ќе излезат на мегдан, а првпат сезонава ќе се борат за бодови. Дербито од петтото коло на Супер лигата е закажано за 1 октомври во СЦ „Јане Сандански“ со почеток во 19:00 часот.
Домашниот клуб веќе ги пушти билетите во продажба, по цена од 250 и 300 денари, зависно од местата за седење во салата. Атмосферата ветува вистински ракометен спектакл во Скопје, каде што ќе се соберат голем број љубители на спортот.
Во меѓувреме, двата тима ги очекуваат уште по еден натпревар пред големото дерби – Еурофарм Пелистер ќе ги одмери силите со Струга на домашен терен, додека Вардар ќе гостува во Кавадарци, против Тиквеш.
