В сабота во Богданци се игра големото ракометно дерби меѓу Младост и Вардар Неготино, во рамки на 3. коло на Првата ракометна лига. Директен дуел на две екипи кои претендираат за влез во Суперлигата.
Ракометарот на тимот до Богданци, Ѓорѓе Ѓуриќ за Спортска Мрежа вели дека максимално мотивирани и свесни за значењето на овој натпревар ќе го пречкаат големиот ривал Вардар Неготино.
„Атмосферата е одлична, сите сме максимално мотивирани и свесни за значењето на овој натпревар. Вардар Неготино е голем ривал, но веруваме во нашата игра и во тимската хемија. Атмосферата во тимот е одлична, сите сме свесни за важноста на натпреварот и максимално мотивирани. Работиме напорно на тренинзите и имаме голема желба да го покажеме најдоброто на терен. Со поддршка од публиката во Богданци сигурни сме дека можеме да стигнеме до позитивен резултат“, ни изјави Ѓуриќ.
Тој додава дека очекува силна поддршка од верните навивачи и полна сала за максимална поддршка од трибините.
„Секако, очекуваме голема поддршка од нашите навивачи – тие секогаш се нашиот осми играч– нашите навивачи секогаш знаат да создадат прекрасна атмосфера и тоа многу ни значи. Во градот веќе се чувствува дерби атмосфера, сите зборуваат за натпреварот и тоа дополнително нè мотивира. Убеден сум дека со нивната енергија ќе дадеме максимум на теренот“, дополнува Ѓуриќ.
Едно е сигурно – салата во Богданци ќе биде полна, Младост ќе има силна поддршка, а Вардар Неготино го очекува „пекол“.
