По пет одиграни кола екипите на Брегалница и Беласица имаат по 13 бодови и го делат врвот во Втората македонска фудбалска лига, поради подобрата гол разлика штипјани се позиционирани на првата позиција, а струмичани се на втората позиција.
Кожуф е трет со 11 бодови, а пак Шкендија Арачиново е четврта исто така со 11 бодови на своето конто. Сега тимот на Скопје е на петтата позиција откако прогресираше и на своето конто има 10 бодови. Тимот на Новаци со нови три бодови дојде до шестото место со девет бодови на своето конто, а пак Охрид со осум бодови се спушти на седмата позиција на позицијата, „рибарите“ имаат пад на второлигашката табела.
Детонит Плачковица е осми со седум бодови, колку што има и Осогово кој е на деветтото место, а пак Тетекс и Вардар Неготино имаат по шест бодови. На 12-тото место или во зоната за директно испаѓање е Каменица Саса со пет бодови, Слога Виница и Преспа од Ресен имаат по три бода, Победа е претпоследна со еден бод, а на дното без бодови е тимот на Големо Коњари.
Најдобар напад има тимот на Скопје кој има реализирано 16 погодоци, а пак најдобра одбрана има Кожуф од Гевгелија со два примени погодоци.
И натаму најлоша одбрана има Големо Коњари со примени 22 погодоци, а втора најлоша одбрана е таа на Победа со 20 примени погодоци. Најлош напад има Големо Коњари со само два постигнати погодоци на пет натпревари.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК БРЕГАЛНИЦА 2008 АД 🔼 | 5 | 4 | 1 | 0 | 15 | 4 | +11 | 13 |
| 2 | ФК БЕЛАСИЦА АД 🔼 | 5 | 4 | 1 | 0 | 14 | 5 | +9 | 13 |
| 3 | ФК КОЖУФ ГЕВГЕЛИЈА 🔽 | 5 | 3 | 2 | 0 | 12 | 2 | +10 | 11 |
| 4 | ЗФК Шкендија Арачиново 77 🔽 | 5 | 3 | 2 | 0 | 11 | 3 | +8 | 11 |
| 5 | ФК СКОПЈЕ АД 🔼 | 5 | 3 | 1 | 1 | 16 | 8 | +8 | 10 |
| 6 | ЗФК НОВАЦИ 2005 🔼 | 5 | 3 | 0 | 2 | 8 | 8 | 0 | 9 |
| 7 | ГФК ОХРИД ЛИХНИДОС 🔽 | 5 | 2 | 2 | 1 | 7 | 5 | +2 | 8 |
| 8 | ФК ДЕТОНИТ ПЛАЧКОВИЦА ➖ | 5 | 2 | 1 | 2 | 7 | 4 | +3 | 7 |
| 9 | ГФК ОСОГОВО 🔼 | 5 | 2 | 1 | 2 | 7 | 6 | +1 | 7 |
| 10 | ФК ТЕТЕКС 1953 ➖ | 5 | 2 | 0 | 3 | 7 | 11 | -4 | 6 |
| 11 | ГФК ВАРДАР Неготино 🔼 | 5 | 2 | 0 | 3 | 7 | 15 | -8 | 6 |
| 12 | ФК КАМЕНИЦА САСА 🔽 | 5 | 1 | 2 | 2 | 13 | 10 | +3 | 5 |
| 13 | ФК СЛОГА 1934 ➖ | 5 | 1 | 0 | 4 | 6 | 7 | -1 | 3 |
| 14 | ФК ПРЕСПА ➖ | 5 | 1 | 0 | 4 | 7 | 14 | -7 | 3 |
| 15 | ФК ПОБЕДА АД ➖ | 5 | 0 | 1 | 4 | 5 | 20 | -15 | 1 |
| 16 | ФК ГОЛЕМО КОЊАРИ ➖ | 5 | 0 | 0 | 5 | 2 | 22 | -20 | 0 |
