Во дербито на 5. коло од Втората македонска фудбалска лига, кое се одигра на стадионот „Билјанини Извори“, екипите на Охрид и Кожуф ремизираа без голови (0-0). Натпреварот понуди голема борба и динамика, а на крајот поделбата на бодовите најмногу ѝ одговараше на гевгелиската екипа.
Тренерот на Кожуф, Иван Варадиновски, истакна дека е задоволен од исходот.
„Нормално е дека на вакво гостување против еден од претендентите за Прва лига мораме да бидеме задоволни со овој освоен бод. Ќе бидам искрен, Охрид имаше повеќе од натпреварот и повеќе изгледни шанси, но нашиот голман беше на висината на задачата. Имавме и ние свои моменти кои можевме да ги искористиме, но на крај честитки до моите играчи – за нас ова е доста голем бод,“ изјави Варадиновски за „Спортска Мрежа“.
Со ова реми, Кожуф покажа дека знае да биде конкурентен и на најтешките гостувања, а бодот од Охрид може да биде важен во понатамошниот тек на шампионатот.
