Вечерва беше одигран уште еден натпревар од 2. коло на Првата футсал лига на Македонија во меч каде домаќинот Железарец со 3:1 запиша сигурна победа над Јувентус Серава, за прво сезонско славје во новата сезона.
По големиот пораз во Крива Паланка од Осогово екипата на Железарец вечерва одигра одличен меч, откако на истиот имаше 2:0 предност. Кирче Крстевски во 15. минута погоди за 1:0, а по две минути игра Мирко Богески зголеми на 2:0.
Во второто полувреме Армандо Алијевиќ постигна гол за 2:1 со што се врати неизвесноста и обидот на гостинот за изнендување. Сепак во финишот на мечот Драган Брњарчевски ги постави конечните 3:1. За Јувентус Серава ова е втор пораз, откако загуби и во првото коло.
Како што веќе објави Спортска Мрежа, вчера Осогово дома загуби од Форца со 5:9, а пак утре Кеги Моби ќе игра против Клими, Проект со Бутел, а Шкупи со Црна Река.
