Денеска (четврток) од 13:00 часот на Градскиот стадион во Радовиш ќе се одигра вториот пријателски натпревар меѓу младите репрезентации на Македонија и Кипар (до 17 години).
Во првиот дуел одигран во вторникот, гостите од Кипар славеа со минимални 0:1, а средбата ја одбележа несреќната повреда на македонскиот репрезентативец Сонер Рекипи, кој веднаш беше пренесен во радовишката болница.
Македонските таленти денеска ќе имаат нова можност да се рехабилитираат и да стигнат до подобар резултат пред својата публика. Радовиш повторно ќе биде центар на младинскиот репрезентативен фудбал, по неодамнешниот натпревар на селекцијата до 19 години против Босна и Херцеговина.
