За новата сезона од Првата женска одбојкарска лига на Македонија екипата на Младост УГД од Штип промовираше неколку квалитетни домашни и странски засилувања. Тинатин Жгенти од Грузија е странско засилување за штипскиот прволигаш. 22-годишната одбојкарка е репрезентативка на Грузија, а со своето големо искуство ќе биде големо засилување за штипјанки, а доаѓа од редовите на германски Фрезин, настапува на позицијата примач.
Второ странско засилување во Младост УГД е Марија Батиниќ, искусна интернационалка која потекнува од Босна и Херцеговина, а која во својата кариера ги бранеше боите на Гласинац од Босна и Херцеговина, Златибор од Србија, кипарски Неа Саламина Фамагуста и Албатрос од Црна Гора.
Во клубот беше промовирана и Даниле Велинска, искусна македонска репрезентативка, која присигна од струмички Наковски Волеј, а се работи за искусне техничар, а исто така во Штип УГД беше промовирана повратничката Кристина Лазаровска, која ќе биде освежување за Младост УГД од Штип.
Во Младост УГД беше промовирана и Евгенија Димеска која во Штип доаѓа од екипата на Ускана од Кичево, а со која се надополнува позицијата среден блокер во штипскиот клуб.
Штипскиот прволигаш сезоната ја отвара против Наковски Волеј во Струмица.
