Второлигашот Новаци и прволигашот Пелистер в недела на стадионот во Новаци ќе одиграат пријателски меч преку кои ќе се темпира формата за продолжението од сезоната во Втората односно Првата македонска фудбалска лига после репрезентативната пауза.
Пелистер е повратник во Првата лига со две победи, четири ремија и три порази, има 10 бодови и се наоѓа на осмата позиција на табелата, а после репрезентативната пауза, а во рамки на 10. коло на домашен терен екипата на штипскиот стратег Влатко Костов ја очекува тежок меч против Шкупи.
Новаци е одличен во Втората лига, сезонава покрај директниот опстанок екипата на Дарко Крстески ќе атакува и висок пласман во второлигашкото друштво. Новаци на седум меча има три победи, едната се службена со Македонија ЃП, едно реми и три порази и со десет бодови е на седмото место на табелата, а после репрезентативната пауза ќе игра на домашен терен со фаворитот Башкими.
Пријателскиот меч меѓу Новаци и Пелистер стартува утре од 14 часот на стадионот во Новаци.
