Откако поранешниот прволигаш Напредок од Кичево преку соопштение реагираше за судиски оштетувања, реагираше комесарот за делегирање во Трета лига – Запад, Музафер Исмаили преку соопштение кое го испрати до Спортска Мрежа.
Исмаили вели дека нема основа на која да реагираат од ФК Напредок, бидејќи имале висок триумф на мечот против Ренова, а воедно како што вели ги демантира обвинувањата на третолигашот Напредок од Кичево.
- ЦЕЛОСНОТО СООПШТЕНИЕ НА МУЗАФЕР ИСМАИЛИ:
„Целосно со полна одговорност јас како коментар за делегирање во Трета лига – Запад ги демантирам, воедно чувствувам голема разочараност од соопштението на ФК Напредок АД, каде обвинуваат судија кој е во единствената листа во Прва и Втора лига при ФФМ. Имено со соопштението на горенаведениот клуб е сосема неосновано и неприфатливо. На истиот натпревар екипата на ФК Напредок победи со 0:4, и не ми е јасно каде судијата ги оштетил нив. ФК Напредок по четири одиграни кола е најнедисциплирана екипа во Трета лига – Запад каде од записниците на сите одиграни натпревари слободно можете да констатирате дека на секој натпревар во просек имаат по 6 до 7 жолти картони и на секој натпревар по еден или повеќе црвени картони. Што значи во иднина истиот клуб треба да внимава со неговите соопштенија да не бидат смешни во спортската јавност“, вели Музафер Исмаили, комесар во Трета лига – Запад.
Утре Напредок ќе се соочи со последнопласираната Речица, каде главен судија ќе биде Пларент Салихи.
