Македонскиот футсал шампион Форца со стил ја започна прелиминарната фаза од квалификациите за Лигата на шампионите. Во првото коло од групата А, избраниците на Газмент Исеини одиграа сигурен и доминантен меч, совладувајќи го Енкамп, тим од Андора со убедливи 0:4.
Македонскиот првак ја отвори средбата со водство од 0:1 по првото полувреме, а во вториот дел целосно ја презеде контролата врз играта. Со агресивен пристап и бројни шанси, Форца успеа да реализира уште три погодоци и заслужено стигна до првите три бода во групата.
Херој на натпреварот беше Јакуп Рамадани, кој се истакна со два погодоци, додека по еден гол постигнаа Берат Рамадани и Хесус Ривас.
Во следното коло, Форца ќе се сретне со тимот на Мурата од Сан Марино, меч кој се игра вечер од 20:30 часот, а групната фаза ќе ја затвори со дуел против Ереван од Ерменија.
Македонскиот шампион со ваков старт најави сериозна амбиција за пласман во следната рунда од елитното европско натпреварување.
