Финален ден на турнирот во мал фудбал „Богородица Куп 2025“ – вечерва се игра големото финале и натпреварот за трето место.
Во последната финална битка за освојување на првото место и шампионскиот пехар ќе се соочат Сатеска против Брумел, двете екипи кои стигнаа во големото финале.
Екипата на Сатеска во финалето стигна откако го „збриша“ Чардак Велгошти со 3:0, а пак Брумел го откажа тимот на Инекс Олгица преку изведување на пенали со резултат од 2:4, откако во регуларниот дел беше 0:0.
Финалето на турнирот во Волино започнува во 21:30 каде во последната финална битка ќе се судра Сатеска и Брумел.
Еден час претходно, од 20:30 во мечот за трето место ќе се соочат Инекс Олгица и Чардак Велгошти.
Годинава по првпат Спортска Мрежа медиумски го поддржува овој спортски настан кој е одлично организиран, каде собра голем број на екипи од целата држава и кои преку фер и коректни игри, со возбудливи натпревари, многу погодоци, шанси, пенал, пресврти екипите на Сатеска и Брумел стигнаа до големото финале.
