Новата сезона во Третата македонска фудбалска лига – Југ ќе започна на 14 септември со натпревари од првото коло.
Во новата сезона ќе се натпреваруваат 14 екипи, а меѓу нив и Борец, кој минатата сезона испадна од Втора лига.
Токму Борец новата сезона како третолигаш ја започнува со гостување кај Росоман, Превалец ќе биде домаќин на новиот третолигаш Млекар.
Питу Гули ќе се соочи со Дреново, додека пак Слога ќе оди на мегдан со Башкими.
Младост во Кривогаштани го чека тимот на Ултрас, Бучин ќе се соочи со Венец, а пак Влазними Јуниор ќе игра со Тополка.
Сезоната ќе биде доста неизвесна кога е во прашање првото место односно шампионската титула, а со тоа и опцијата за играње на бараж за можен влез во Втора лига.
Дербито меѓу Борец и Превалец ќе се игра на 9 ноември во рамки на деветтото коло.
